Экскурсія ў «Гарадзенскі маёнтак «Каробчыцы»
17 верасня навучэнцы нашага НПК наведалі маёнтак " Каробчыцы". Агратурыстычны комплекс «Гарадзенскі маёнтак «Каробчыцы» – гэта музей пад адкрытым небам, размешчаны ўсяго ў 5-ці км. ад Гродна – аднаго з самых прыгожых і старажытных гарадоў Беларусі. Гэта ідэальнае месца для таго, каб палюбавацца прыгажосцямі беларускай прыроды, агледзець ўтульна размешчаны сярод зялёных дрэў архітэктурны комплекс, выкананы ў стылі старадаўняй вясковай сядзібы XVIII-XIX стагоддзя.
Палова тэрыторыі сядзібы – запаведная тэрыторыя. Тут усё як у дзікім лесе – паваленыя дрэвы, зараснікі кустоў, ручаі і крыніцы. А сапраўдныя гаспадары запаведнага кутка – дзікія кабаны, плямістыя алені, маралы, казулі, ласі.
Дзеці былі ў захапленні ад цікавай экскурсіі і ўдалага адпачынку.
