Дашкольнае звяно.
Патрыятычнае выхаванне ў сістэме дашкольнай адукацыі.
"Мы - дашкаляты-патрыёты
Сваю Радзіму моцна любім
Аб гераізме нашых продкаў
Заўсёды помніць шчыра будзем".
У Нацкай сярэдняй школе адкрылі патрыятычную групу "Юныя абаронцы Айчыны". Для дзяцей ва ўзросце 4-6 гадоў гэта стала знакавай падзеяй. У зеленавата плямістых берэтах і жакетах малышы сталі выглядаць зусім па-іншаму. Дзеці лічаць сябе сапраўднымі патрыётамі, спяваюць гімн, займаюцца вывучэннем краязнаўства. Запланаваны шэраг выхаваўчых мерапрыемстваў і экскурсій. Адпраўной кропкай для юных патрыётаў стала сустрэча 7 мая з прадстаўнікамі раённай улады, ветэранскай арганізацыі, афіцэрам запаса падпалкоўнікам Нядзвецкім В.З. у помніка землякам вёскі Нача. Напярэдадні вялікага свята Дня Перамогі малышы даведаліся аб тых каласальных стратах, якія панёс наш народ у гады вайны, каб сённяшняе пакаленне магло жыць пад мірным небам. Напрыканцы былі ўскладзены кветкі ля помніка і зроблена сумеснае фота на памяць.
