Экалагічнае выхаванне
Сёння ў дашкольнай педагогіцы вялікая ўвага ўдзяляецца экалагічнаму выхаванню. Каб у дзяцей сфарміраваліся экалагічныя ўяўленні, ім неабходна назіраць за аб'ектамі і з'явамі прыроды.Назіранне за дзейнасцю дарослых па доглядзе насаджэнняў, пасільная дапамога ім садзейнічаюць пашырэнню ведаў у хлопчыкаў і дзяўчынак аб раслінах і выхоўваюць у іх любоў да працы.
Менавіта з гэтай мэтай на тэрыторыі ДУА "Нацкая сярэдняя школа" створана экалагічная сцежка больш чым з 10 станцыямі. Адна з іх міні - агарод "Вітамінка", на якім малышы разам з выхавальнікам вырошчваюць агародніну.Апрача вышэйназванай ёсць і другія станцыі: кветкавыя клумбы, чароўны лес, метэастанцыя, злакавае поле і іншыя.
Расліны, якія растуць на нашым участку, з'яўляюцца найбагацейшым пазнавальным матэрыялам для дашкольнікаў.Уся адукацыйная прастора ўстановы робіць працэс навучання цікавым і разнастайным.
