Нацкія сямікласнікі шануюць памяць аб продках роднага краю
У дружыне імя І.С. Маханько прайшла эстафета добрых спраў.
Сямікласнікі Нацкай сярэдняй школы прынялі ўдзел у добраўпарадкаванні магілы Т.Нарбута на прыкасцельнай тэрыторыі. Т.Нарбут- гэта гісторык, археолаг, фалькларыст, калекцыянер, ваенны інжынер, паэт, які нарадзіўся ў маёнтку Шаўры, у пяці кіламетрах ад Начы. Яго імя прысвоена школьнаму гістарычна-краязнаўчаму музею.
Таксама дзяўчынкі і хлопчыкі з 7 класа часта прыходзяць у Шаўры, каб прывесці ў парадак магілы членаў сям’і Т.Нарбута. Некалькі дзён таму дзеці зноў пабывалі ў Шаўрах. Тут пахаваны сын Т. Нарбута Баляслаў, жонка Хрысціна і ўнук Сігізмунд.
Дадому дзеці вярталіся стомленыя, але радасныя ад зробленай справы, ад адказнасці за захаванне спадчыны, адчуваючы сябе сапраўднымі патрыётамі роднага краю.
