Турнір з сілавікамі
ТУРНІР З СІЛАВІКАМІ.
15 верасня 2023 года напярэдадні Дня народнага адзінства на стадыёне ў г.п.Воранава адбыўся міні-турнір па футболу з удзелам прадстаўнікоў сілавых структур:РАУС, раённых аддзелаў"Ахова" і МНС, а таксама пагранічнікаў. На мерапрыемства былі запрошаны вучні Воранаўскай і Нацкай сярэдніх школ.Перад пачаткам спаборніцтваў да ўдзельнікаў звярнуўся загадчык сектарам спорту і турызму Воранаўскага райвыканкама Савоська А.У., які напомніў прысутнічаючым аб тым, што дзякуючы менавіта гэтаму святу наш беларускі народ як ніколі згуртаваны, жыве і працуе пад мірным небам,помніць і ганарыцца сваёй унікальнай гісторыяй.
Пасля кароткай жараб'еўкі пачаліся самыя сапраўдныя баталіі на футбольным полі.Крыху з зайздрасцю назіралі школьнікі з Начы за спартыўным майстэрствам сілавікоў. Зразумела, што перамагчы ігракоў з такім вопытам у нашых падлеткаў не было магчымасці, але сам факт прысутнасці і ўдзелу ў міні-турніру спрыялі фарміраванню ў дзяцей пачуцця гонару за сваю Радзіму,павагі да людзей у пагонах.
Як паказвае практыка дасягнуць станоўчых вынікаў у плане выхавання ў падлеткаў патрыятычных пачуццяў можна толькі ў цесным супрацоўніцтве з прадстаўнікамі сілавых структур.Безумоўна, у школьнікаў з Начы засталіся самыя цёплыя ўражанні ад гэтай сустрэчы.
