Вальс Перамогі
Вальс Перамогі.
Практычна ўсе масавыя мерапрыемствы ў Нацкім сельскім Доме культуры,прысвечаныя знамянальнай даце, праводзяцца з удзелам педагогаў і вучняў мясцовай школы.Напярэдадні гадавіны Вялікай Перамогі выхаванне ў моладзі павагі да гістарычнага мінулага гучыць асабліва актуальна.6 мая ў Доме культуры адбыўся святочны канцэрт "Праспяваем песні Перамогі" з удзелам культработнікаў і педагогаў.Песні " Жураўлі " і " Венскі вальс" у выкананні настаўніцы рускай мовы і літаратуры Урублеўскай І.Э. глыбока закранулі душу кожнага прысутнічаючага. Гледачамі на канцэрце былі вучні і педагогі Нацкай СШ, а таксама мясцовае насельніцтва. Па заканчэнні праграмы на тэрыторыі прылеглай да Дома культуры пад музыку вальса Перамогі кружыліся дарослыя і дзеці.Мабыць, у гэтым і заключаецца асноўны пафас мерапрыемства, які пабуджае кожнага з нас усім сэрцам любіць сваю дарагую Беларусь.
