Прызванне ратаваць
Прызванне ратаваць.
Штодзень выхаваўчыя мерапрыемствы ў
ваенна -патрыятычным летніку"Патрыёт" праходзілі з удзелам прадстаўнікоў сілавых структур і апошні дзень не стаў выключэннем. У госці да адпачываючых прыехалі супрацоўнікі Воранаўскага аддзела па надзвычайных сітуацыях.Інспектар Хлюст В.Ю. напомніў прысутнічаючым, што асноўная задача іх службы- дапамагаць тым,хто апынуўся ў небяспечнай сітуацыі. Вадзім Юр'евіч пазнаёміў школьнікаў з сродкамі і спосабамі тушэння пажараў. На практыцы прадэманстраваў ён работу вогнетушыцеля. Затым адпачываючым было прапанавана ўспомніць некаторыя эпізоды з мультфільма"Чароўная лямпа" і адказаць на пытанні квэста: як патушыць агонь; эвакуацыя з кватэры падчас пажару; паводзіны падчас землетрасення; што рабіць, калі праваліўся пад лёд і т.д.Гульня"А дзе логіка?" патрабавала ад кожнага з падлеткаў канцэнтрацыі ўвагі і кемлівасці.Неабходна было здагадацца,які прадмет адсутнічае на карцінцы.
Напрыканцы школьнікі мелі магчымасць прымераць на сабе экіпіроўку выратавальніка, пасядзець ў салоне пажарнай машыны, паспрабаваць "патушыць пажар". Гэта настолькі захапіла выхаванцаў, што вочы кожнага свяціліся радасцю.
Вось на такой мажорнай ноце закончыў работу летнік "Патрыёт" Нацкай СШ.
Дырэктар лагера "Патрыёт"В.В.Міхалоўскі
