Сустрэча ў лагеры " Патрыёт"
Кожны дзень з прадстаўнікамі сілавых структур.
З пятага жніўня ў лясным масіве паблізу вескі Нача дзейнічае ваенна-патрыятычны лагер "Патрыет". Выхавальнікі клапоцяцца пра тое, каб школьнікі адпачывалі з карысцю. План работы састаўлены з улікам таго, што кожны дзень прадстаўнікі той ці іншай сілавой структуры падчас наведвання лагера прымаюць сумесна з выхаванцамі самы актыўны ўдзел у арганізацыі і правядзенні выхаваўчых мерапрыемстваў.
З мэтай захавання і умацавання традыцый грамадзянска-патрыятычнага выхавання, паважлівага стаўлення да службы у войску 7 жніўня былі запрошаны ў лагер прадстаўнікі кіраўніцтва Лідскага пагранатрада. Намеснік камандзіра палкоўнік Стома В.І. і падпалкоўнік Войнік М.В. падчас дыялогавай пляцоўкі "Што для мяне Радзіма?" пазнаемілі дзяцей з міралюбівай дактрынай беларускай дзяржавы і адказалі на ўсе пытанні школьнікаў. З вялікай цікавасцю назіралі госці за работай гуртка "Юныя сябры пагранічнікаў", які праводзіў старшы выхавальнік Міхневіч А. А.
Напрыканцы сустрэчы быў абмеркаваны алгарытм падрыхтоўкі каманды "Юныя сябры пагранічнікаў" Нацкай сярэдняй школы да удзелу ў рэспубліканскім ваенна-патрыятычным злеце "Юная граніца", які адбудзецца ў другой палове верасня бягучага года.
